چيەن يىچيەن 

　مېنىڭ يېنىمدا، تۇرمۇشنى قىزغىن سۆيىدىغان، باشقىلارغا ياردەم بېرىشنى خۇشاللىق دەپ بىلىدىغان بىر توپ «ئائىلە كىشىلىرىم» بار. يېقىنقى يىللاردىن بۇيان، نۇرغۇن جايلاردا ئۇلارنىڭ سىيماسىنى كۆرگىلى بولىدىغان بولدى، دوختۇرخانا، يول، مەنزىرە رايونى، تاغ ئېتىكى قاتارلىق يەرلەردە، كىشىلەر ئۇلارنى يېقىملىق ھالدا «پىدائىي» دەپ ئاتىشىدۇ. 

　باھار بايرىمىنىڭ ھارپىسى پۈتۈن ئائىلە شاد- خۇراملىققا چۆمۈپ، باھار بايرىمىنى بىللە ئۆتكۈزىدىغان كۈن، لېكىن بىز ھامان بىر توپ يالغۇز تۇرىدىغان ياشانغانلارغا تارتىشىپ تۇرىمىز. شۇڭا ياشانغانلار ساناتورىيەسىدە چۆچۈرە تۈگۈش پائالىيىتىنى تەشكىللىدۇق. باھار بايرىمىنىڭ ھارپىسى چۈشتىن بۇرۇن، 20 پىدائىي ۋەدىلىشىپ ياشانغانلار ساناتورىيەسىگە كەلدۇق، بەزىلىرىمىز ئۆزئارا تونۇشاتتۇق، بەزىلىرىمىزنىڭ تۇنجى قېتىم كۆرۈشۈشى ئىدى، ئەمما كۆپچىلىك ناھايىتى قىزغىنلىق بىلەن سالاملاشتۇق. ياشانغانلار ساناتورىيەسىدىكى خىزمەتچىلەر قىيما ۋە چۆچۈرىنىڭ جىلتىسىنى بالدۇرلا تەييارلاپ قويغانىدى. كۆپچىلىكنىڭ ھەممىسى تاقەتسىزلىك بىلەن چۆرىدەپ كەلدى. كۆپچىلىك بىر تەرەپتىن پاراڭلاشقاچ، بىر تەرەپتىن قول سېلىپ ئىشلىدۇق، خۇشال كەيپىياتتا تەخسە- تەخسە چۆچۈرە تەييار بولۇپ، ئاشپەزگە تاپشۇرۇپ بېرىدىغان ئىشلا قالدى.

　مەن چوڭ قوشۇنغا ئەگىشىپ بېرىپ ياشانغانلار ساناتورىيەسىدىكى ياشانغانلارنى يوقلىدىم. بەزى پىدائىيلار دائىم ياشانغانلارنى ھۆرمەتلەش پائالىيىتىگە قاتنىشىپ، دائىم كېلىپ ياشانغانلارنىڭ چېچىنى ياساپ، ئۇلارغا ھەمراھ بولۇپ پاراڭلىشىدىكەن، شۇڭا ئۇلار بىلەن چوڭقۇر دوستلۇق ئورناتقانىكەن. شۈ تاغام شۇلارنىڭ بىرى، ئۇ پىدائىيلار بىلەن تونۇشقاندىن كېيىنكى ئىشلارنى ئەسلەپ ھاياجانلانغان ھالدا مۇنداق دېدى: «ياشانغانلارنى زىيارەت قىلىش پائالىيىتى باشلانغاندىن بۇيان، نەچچە يىلدىن بۇيان ھەر ئايدا بىر قېتىم زىيارەت قىلىش تۇرمۇشۇمنىڭ بىر قىسمىغا ئايلاندى، سىلەرنىڭ كېلىشىڭلارنى تولىمۇ ئارزۇ قىلىمەن. بۇ ئىككى يىلدا يۇقۇمنىڭ تەسىرىدە، زىيارەت قىلىشمۇ چەكلىمىگە ئۇچرىدى، نەچچە ئاي ھېچكىم كەلمىدى، يالغۇزچىلىقتا مېنىڭ ھەرىكەت دائىرەم پەقەت مۇشۇ ئۈچ ئېغىز ئۆيدىلا بولدى، پاراڭلاشقۇدەك بىرمۇ ئادەم يوق، ھەقىقەتەن بەك غېرىبسىندىم! بۈگۈن سىلەر مەخسۇس بىزدەك ياشانغانلارغا ھەمراھ بولغىلى كەلدىڭلار، مەن بەك خۇشال بولدۇم، سىلەر ماڭا ھەمراھ بولۇپ پاراڭلىشىپ، تۇرمۇشۇمنىڭ يەنىلا ئەھمىيەتلىك ئىكەنلىكىنى ھېس قىلدۇردۇڭلار. سىلەر بىلەن تونۇشقىنىمدىن بىر ئۆمۈر قانائەت ھېس قىلىمەن!» مەن شۈ تاغامنىڭ بۇ سۆزىدىن چوڭقۇر تەسىرلەندىم، ياشانغانلارنىڭ ئەڭ قورقىدىغىنى يالغۇزلۇق ۋە ئۇنتۇلۇش، بىز پەقەت ئازراق ۋاقىت چىقارساقلا، ئۇلارغا ئىللىقلىق ئاتا قىلالايمىز، بۇنىڭ قىلمايدىغان نېمىسى بار؟ ئاخىرىدا بىز ياشانغانلار ساناتورىيەسىدىكى ياشانغانلار بىلەن بىللە چۆچۈرە ئىچتۇق، بۇمۇ جەم بولۇش تامىقى ھېسابلىناتتى. بىز كېلەر قېتىم بۇ ئوماق ياشانغانلارنى يەنە يوقلاپ كېلىشكە ۋەدىلەشتۇق.

　پىدائىي بولۇشتىكى دەسلەپكى مەقسەت ناھايىتى ئاددىي، يەنى نوقۇل ھالدا باشقىلارغا ياردەم بېرىشنى ئويلاش. ھەر قېتىم ياشانغانلارنىڭ بىزدىن قانداق ياردەم سوراشنى بىلمەيۋاتقانلىقىنى كۆرگىنىمدە، مەن دائىم قېرىغاندا ياردەمچىسىز قالغاندا بىرەرسىنىڭ ماڭا ياردەم قىلىشىنى ئۈمىد قىلىمەنمۇ- يوق دەپ ئويلايمەن، بۇنىڭ جاۋابى − چوقۇم ئويلايمەن. شۇنداق، بىر كىچىككىنە ھەرىكىتىمىز بىلەن ئۇلارغا ياردەم بېرىپ، ئۇلارغا ئىللىقلىق يەتكۈزەلەيدىغان تۇرساق، بۇنىڭ قىلمايدىغان نېمىسى بار؟ 

　ئاپتورنىڭ ئادرېسى: جياڭسۇ ئۆلكىسى چاڭشۇ شەھىرى شاڭخۇ يەسلىسى

　پايدىلانغان مەنبە: «ئۆگىنىش كۈچلۈك دۆلىتى» ئۆگىنىش سۇپىسى

مەسئۇل مۇھەررىر：穆巴拉克·司马义

نەشر ھوقۇقىغا ئىگە ئەسەر، ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ. ۋېيشىن دوستلار چەمبىرىكىگە، دوستلارغا ھەمبەھرىلەپ قويۇشىڭىزنى قارشى ئالىمىز.